24 აგვისტოს უკრაინის დამოუკიდებლობის დღესთან დაკავშირებით, საქართველოში უკრაინის საქმეთა დროებითი რწმუნებული, დმიტრო ბერეჟნი ვრცელ განცხადებას აქვეყნებს და ქართველ ხალხს თანადგომისთვის მადლობას უხდის.
დიპლომატი განსაკუთრებულ პატივს მიაგებს და ქედს იხრის იმ ქართველი მეომრების ხსოვნის წინაშე, რომლებმაც საკუთარი სიცოცხლე უკრაინისა და საქართველოს თავისუფლებას შესწირეს.
„ჩვენ გულწრფელ მადლობას ვუხდით საქართველოს მხარდაჭერის თითოეული გამოხატვისთვის, ფრონტის ხაზზე ჩვენს გვერდით მდგომი თითოეული ქართველი ჯარისკაცისთვის, უკრაინელი ბავშვისთვის განკუთვნილი თითოეული თავშესაფრისთვის, უკრაინის მხარდასაჭერად გამოყოფილი თითოეული ლარისა და გენერატორისთვის.
დარწმუნებულები ვართ, რომ უკრაინელი და ქართველი ხალხების ერთობლივი ბრძოლა თავისუფლების, დამოუკიდებლობის, ტერიტორიული მთლიანობისა და ევროპული მომავლისთვის აუცილებლად დასრულდება სამართლიანობის აღდგენით, ჩვენი სუვერენული ტერიტორიების სრული დეოკუპაციით და ხანგრძლივი და სამართლიანი მშვიდობის დამყარებით.
დმიტრო ბერეჟნი დევნილების სტატისტიკაზეც საუბრობს – მისი ინფორმაციით, ომის დაწყებიდან დღემდე საქართველოს ტერიტორია 500 ათასზე მეტმა უკრაინელმა გაიარა, ამ დრომდე კი ქვეყანაში 27 000-ზე მეტი უკრაინელი