“შესული ვიყავი. წერილს ამ ფორმას რატომ აძლევთ, არაფერი წერილი არ გამოუტანებია…” – რა განცხადებას აკეთებს ღარიბაშვილის ადვოკატი

“შესული ვიყავი. წერილს ამ ფორმას რატომ აძლევთ, არაფერი წერილი არ გამოუტანებია. გიდასტურებთ იმ ფაქტს, რომ როგორც დაანონსებული იყო, დღეს იქნება განცხადება ირაკლი ღარიბაშვილის სახელით. ამას გიდასტურებთ. დღეს ელოდეთ, აუცილებლად იქნება. ვის გადასცა ეს განცხადება, ამას არ აქვს ამას მნიშვნელობა, მთავარია რომ ეს განცხადება იქნება დღეს. დაელოდეთ განცხადებას, რომელსაც ირაკლი ღარიბაშვილი გაავრცელებს” – განაცხადა ღარიბაშვილის ადვოკატმა ლილი გელაშვილმა, რომელმაც რუსთავის ციხე ცოტა ხნის წინ დატოვა.
უფლებადამცველმა ღარიბაშვილი მოინახულა და სასჯელაღსრულების დაწესებულებიდან ფურცლით ხელში გამოვიდა, თუმცა მედიას განუცხადა, რომ ექსპრემიერს მისთვის წერილი არ გამოუტანებია.