თეონა აქუბარდია ვარაუდობს, რომ ირაკლი კობახიძე საზოგადოებას რუსეთთან ახალი „გეორგიევსკის ტრაქტატის“ გაფორმებისთვის ამზადებს. სწორედ ეს გაცდა დაუტოვა ოპოზიციონერ პოლიტიკოსს მთავრობის მეთაურის მიერ უკვე მეორედ ერეკლე მეორესთვის მიძღვნილმა ბრიფინგზე.
შემოდგომაზე არ არის გამორიცხული რუსეთთან ახალი შეთანხმების დადება – ამბობს თეონა აქუბარდია.
“კობახიძის მიერ ისტორიის გადაწერის მცდელობას მხოლოდ ერთი ახსნა აქვს: საზოგადოების შემზადება და შეგუება ახალი „გეორგიევსკის ტრაქტატის“ გაფორმების იდეასთან.
იმ ტრაქტატის, რომლის დარღვევამაც თავის დროზე საქართველოს ეკლესიას ავტოკეფალია წაართვა, ხოლო ჩვენს სახელმწიფოებრიობას ძირი გამოუთხარა.
როცა ასეთი მასშტაბის საფრთხე გვიახლოვდება, ღარიბაშვილის წერილები თუ მსგავსი თემები მხოლოდ ყურადღების გადასატანი, მეორეხარისხოვანი ხმაურია.
რეალური საფრთხე წინ გველოდება: შემოდგომაზე არ არის გამორიცხული რუსეთთან ახალი შეთანხმების დადება, რითაც კრემლი საქართველოზე საკუთარი გავლენის ოფიციალურ გაფორმებას შეეცდება.
თუ ახლა მეორეხარისხოვან საკითხებს გადავყევით და პრინციპული, ერთობლივი წინააღმდეგობა არ გავწიეთ, ხვალ უბრალოდ გვიან იქნება!
დღეს პოლიტიკური დღის წესრიგის N1 საკითხი საქართველოს სუვერენიტეტის დაცვა უნდა იყოს! ეს არის ერთადერთი თემა, რომლის გარშემოც ყველა პოლიტიკური და საზოგადოებრივი ძალა უნდა გაერთიანდეს.” – ამბობს ის