ხუდადოვის ქუჩის მაცხოვრებლები დახმარებას ითხოვენ – ხალხს სახლები ეტბორებათ. მიზეზად საკანალიზაციო და სანიაღვრე მილებს ასახელებენ, რომელიც მათი ვარაუდით რამდენიმე კვირის წინ სამუშაოების შემსრულებლებმა არასწორად დააერთეს.
როგორც ადგილობრივი “პირველებს“ ეუბნება, წყალმა ღამით ამოხეთქა სააბაზანოში, დატბორილია პირველი სართული და ეზოც, განადგურებულია ავეჯი.
მათი თქმით, შეტყობინება შევიდა, 112-შიც თუმცა, დაზარალებულ ოჯახს ახლა სხვაგან ამისამართებენ.
ვანიდან დაიწყო წყალმა ამოდინება, უნიტაზიდან, სამზარეუო ნიჟარიდან, გარეთ თუკი რამე სანიაღვრე სისტემაა, ყველგან. როგორც ფანტანი, ისე ქასხამდა წყალი. ჭებს რომ ავხადეთ, ოთიხვე სავსე იყო და ზემოთ ასხამდა. პირველი სართული სახლის ყველაფერი გაფუჭებულია, სარეცხსი მანქანა, ჭურჭლის სარეცხი, ავეჯი, 2 მაცივარი, ტანსაცმელი, ფეხსაცმელი, შპალერები, არაფერი აღარ ვარგა, აბსოლუტურად. 2 ქუჩა დააერთეს ჩვენ საკანალიზაციო მილებს, ეჭვი გვაქვს რომ სანიაღვრე სისტემა დაუერთეს კანალიზაციას, სწორედ ამიტომ ამოხეთქა. ამას დამატებული არის ის, რომ ჩვენი სახლიდან გამავალი საკანალიზაციო ჭა რაც არის, ცემენტი გადაასხეს, ტრასა დააგეს, გადაბეტონეს, გუშინ კი, ასეთი საშინელება რომ დაგვემართა, ვერ გავხსენით ჭა, დაკეტილი იყო,გვითხრეს, ხელს თუ მოკიდებთ და ამოჭრით, 5 ათასი ლარით დაგაჯარიმებთო. სახანძრო, პოლიცია, სანიაღვრო მოვიდა, ჩვენ არ გვეხებაო, ეხება ჯივიპისო, ჯივიპისთან წუხელ 9 საათიდან მოყოლოებული ვრეკავთ და წეღან მოვიდნენ. მათ აღმოაჩინეს, რომ ეს რომ მოჭრან, რაც დააცემენტეს, ნებართვა სჭირდებათ და ნებართვას ავიღებთ და მოვალთო. დიდი იმედი მაქვს, რომ აიღებენ ნებართვას და მოვლენ, – ამბობს ადგილობრივი.
ოჯახი მერიისგან პასუხებს ითხოვს და ზარალის ანაზღაურებას ელოდება.