ამერიკული ჯგუფი The Chainsmokers-ი იქნება პირველი ჯგუფი, რომელიც კოსმოსში დაუკრავს. – ინფორმაციას ამის შესახებ უცხოური გამოცემა Associated Press-ი ავრცელებს.
გამოცემის ცნობით, ენდრიუ ტაგარტისა და ალექს პოლის დუეტი კოსმოსში 2024 წელს დაუკრავს. მუსიკოსებმა უკვე მოაწერეს ხელი კონტრაქტს და მონაწილეობას მიიღებენ კოსმოსური ტურიზმის სფეროში მომუშავე კომპანია World View-ს ერთ-ერთ პირველ რეისში. კონცერტისთვის მუსიკოსებს ჰერმეტულ კაფსულაში მოათავსებენ.
„ყოველთვის ვოცნებობდით კოსმოსში გამგზავრებაზე და მოხარულები ვართ World View-სთან თანამშრომლობით, რათა გამოვცადოთ ეს მოგზაურობა და მივიღოთ ახალი გამოცდილება“, – აღნიშნულია ჯგუფის განცხადებაში.