მას შემდეგ, რაც სემეკ-მა საქართველოს სრულ ჩაბნელებაზე პასუხისმგებლობა ელექტროსისტემას დააკისრა, „პირველები“ დაინტერესდა, რას უპასუხებდნენ თავად კომპანიაში.
როგორც ადგილზე მისულ გადამღებ ჯგუფს უთხრეს, ვანო ზარდიაშვილი 2 დღეა შვებულებაშია.
გამოდის, რომ ზარდიაშვილი, რომელიც ელექტროსისტემის გენერალური დირექტორია, შვებულებაში სწორედ იმ დღეს გავიდა, როდესაც სემეკის შუალედური დასკვნა უნდა წარედგინა.
“პირველებმა“ სცადა, კითხვები ზარდიაშვილისთვის ტელეფონით დაესვა, თუმცა, მან შეხვედრა მოიმიზეზა და სატელეფონო ზარი გათიშა.
24 ივლისს ელექტროენერგია ქვეყნის მასშტაბით სრულად გაითიშა. შუქი ჩაქრა 25 ივლისის დილითაც. სუს-მა 24 და 25 ივლისს ქვეყნის მასშტაბით ელექტროენერგიის მიწოდების ავარიულად გათიშვის გამო გამოძიება საბოტაჟის მუხლით დაიწყო. 30 ივლისს საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ პირველადი შედეგი გამოაქვეყნა.