მალე მეტავერსში მსოფლიოს ცნობილი ბრენდები Balenciaga, Prada და Thom Browne-ის სამოსი იქნება ხელმისაწვდომი, რომლებიც ვირტუალურ მაღაზიებში გაიყიდება, ამის შესახებ ინფორმაციას უცხოურიგამოცემა Vogue-ი ავრცელებს. მყიდველს შეეძლება საკუთარი ავატარი ამ ბრენდების მიერ წარმოდგენილი სამოსითა და ფეხსაცმლით შემოსოს.
„ეს ძალიან მნიშვნელოვანი პროექტი იყო, რომელზეც მთელი წელი ვმუშაობდით“ – აცხადებს Meta-ს პარტნიორი.
მარკ ცუკერბერგმა ცნობილი ბრენდების სამოსით მისი ავატარი სოციალურ ქსელებში განათავსა.
„რამდენად მაგარი ვარ ამ სამოსის სატარებლად? რბოლა ძალიან მომწონს და ახლა თავს ისე ვგრძნობ, თითქოს მოტოციკლიდან ან ავტომობილიდან გადმოვდივარ, რაც საკმაოდ კარგი შეგრძნებაა.“ – აცხადებს მარკ ცუკერბერგი Balenciaga-ს სამოსზე, რომლითაც მისი ავატარი შემოსა. მეორე ფოტოზე ცუკემბერგის ავატარს Prada-ს სამოსი აცვია, როგორც ის ამბობს, ამ ტანსაცმლით უფრო თავდაჯერებულია ვიდრე მაშინ, როცა რეალურად ეცვა.
„მადლიერი და ამაყი ვარ, რომ საკულტო ბრენდები მეტავერსში შემოგვიერთდნენ, რათა ახალი მოდა შევქმნათ.“ – აცხადებს ცუკერბერგი.
მაღაზია მალე ყველასთვის ხელმისაწვდომი გახდება და ადამიანებს შესაძლებლობა ექნებათ ცნობილი ბრენდების მიერ შექმნილი სამოსით საკუთარი ავატარი შემოსონ.
