ეზოტერიკოსი გოგა მანია საზოგადოებას მიმართავს და ვიდეომიმართვაში საუბრობს, როგორ უნდა მოიქცნენ ადამიანები, თუ სახლში, მისი თქმით, „ჯადოს“ ან საეჭვო ნივთს აღმოაჩენენ.
მანიას თქმით, ასეთ ნივთს შიშველი ხელებით არ უნდა შეეხონ და სიფრთხილე გამოიჩინონ.
„ყველაზე მთავარი და საფრთხილოა, რომ შიშველი ხელებით არ შეეხოთ. ხშირ შემთხვევაში, მაგიური ჩარევები, მაგიური ზემოქმედება მაშინ იწყებს სწორედ მოქმედებას, როცა ეხებით. აუცილებლად გამოიყენეთ პარკი, შეფუთეთ და არ გადააგდოთ. არ ჩარეცხოთ საპირფარეშოში და არ დაწვათ – დაწვის შემთხვევაში, ჩემი აზრით, ბევრად უფრო ძლიერად აქტიურდება“, – ამბობს გოგა მანია.
ეზოტერიკოსი აღნიშნავს, რომ მსგავსი საკითხები ზოგისთვის შესაძლოა თამაშად აღიქმებოდეს, თუმცა თავად მიიჩნევს, რომ ამას სერიოზული გავლენა შეიძლება ჰქონდეს ადამიანზე.
„ეს არ არის სათამაშო, იყავით ფრთხილად და ყურადღებით“, – მიმართავს საზოგადოებას გოგა მანია.