თელავში 6 თვის ორსული თამარ ურჩუხიშვილი გარდაიცვალა – ინფორმაციას კვირის პალიტრა ავრცელებს და წერს, რომ მისი ახლობლები ქალის დაღუპვაში ექიმებს ადანაშაულებენ და მათ დაუდევრობასა და გულგრილობას უკავშირებენ.
“მოკლეს, დაუდევრობით… 6 თვის ორსული იყო. მუცლის ტკივილით შეიყვანეს კლინიკაში და ორი კვირა ვერ გაიგეს, რა ჭირდა. ექიმთან რომ მივიდა, უთხრეს, მოჩვენებითი ტკივილი გაქვსო. წამოვიდა უკან, რის შემდეგაც ნაწლავი გაუსკდა და სეფსისი დაემართა…” – ამბობს გარდაცვლილის მეგობარი.