მოლდოვის პარლამენტმა ახალი მთავრობა დაამტკიცა. ამის შესახებ ინფორმაციას ადგილობრივი მედია ავრცელებს.
კერძოდ, ქვეყნის პარლამენტმა პრემიერ-მინისტრ ვასილე ტოფანის ახალ მთავრობას დაუჭირა მხარი. ახალი მთავრობის დამტკიცებას მმართველი PAS პარტიის 53-მა დეპუტატმა დაუჭირა მხარი.
პარლამენტის პლენარულ სხდომაზე გამოსვლისას ტოფანმა აღნიშნა, რომ ახალ მთავრობას ხუთი პრიორიტეტი ექნება: ეკონომიკური განვითარება, ევროკავშირში გაწევრიანების პროცესის ქვეყნის მოდერნიზაციისთვის გამოყენება, სახელმწიფო სისტემის ოპტიმიზაცია, უსაფრთხოების გაძლიერება და მოქალაქეების ცხოვრების ხარისხის გაუმჯობესება.
ცნობისთვის, პრეზიდენტმა მაია სანდუმ პრემიერ-მინისტრობისთვის ვასილე ტოფანის კანდიდატურა 11 ივლისს წარადგინა.