უკრაინის პრეზიდენტი ვოლოდიმირ ზელენსკი აცხადებს, რომ უკრაინულმა ძალებმა მოსკოვის რეგიონში რუსეთის ლოჯისტიკურ ობიექტებსა და ნავთობის ბაზაზე წარმატებული დარტყმები განახორციელეს. მისი თქმით, შავი ზღვის აკვატორიაში ასევე დაზიანდა რუსეთის ე.წ. ჩრდილოვანი ფლოტის ორი ტანკერი და ოთხი მშრალი ტვირთმზიდი. ზელენსკი აღნიშნავს, რომ უკრაინა რუსეთის თითოეულ თავდასხმას პასუხობს და ომის დასრულების ერთადერთ გზად რუსეთზე ზეწოლის გაძლიერებას ასახელებს.
“მოსკოვის რეგიონი. არსებობს ჩვენი შორ მანძილზე მოქმედი სანქციების [დარტყმა] შედეგები ლოჯისტიკურ ობიექტებსა და ნავთობის ბაზაზე. მადლობას ვუხდი უპილოტო სისტემების ძალების, დაზვერვის, სარაკეტო ჯარებისა და არტილერიის, სპეციალური ოპერაციების ძალების მეომრებს. სამიზნეებამდე მანძილი ჩვენი საზღვრიდან 400 კილომეტრზე მეტია.
ასევე, შავი ზღვის აკვატორიაში დაზიანდა ჩრდილოვანი ფლოტის 2 ტანკერი და 4 მშრალი ტვირთმზიდი. ჩვენ სამართლიანად ვპასუხობთ რუსეთის თითოეულ დარტყმას ჩვენს ქალაქებსა და თემებზე. ეს ომი უნდა დასრულდეს და ეს შესაძლებელია მხოლოდ იმ შემთხვევაში, თუ გავაძლიერებთ ზეწოლას ამ ომის ერთადერთ მიზეზზე – რუსეთზე” – წერს უკრაინის პრეზიდენტი, ვოლოდიმირ ზელენსკი სოციალურ ქსელში.