“ცოცხალი ლეში ვარ…მე იმ წუთში მოვკვდი“ – ლექსო ლაშქარავას დედა

„ტვ პირველის“ გარდაცვლილი ოპერატორის – ლექსო ლაშქარავას გარდაცვალებიდან ერთი წელი გავიდა.

ლაშქარავას დედა – თინათინ კახიძე მედიასთან საუბრისას ამბობს, რომ ერთი წლის წინ 11 ივლისს, შვილთან ერთად თავადაც მოკვდა.

„ჩემთვის შვილო, სიკვდილი იყო ეს. მე იმ წუთში მოვკვდი. მე ცოცხალი ლეში ვარ. მეც მკვდარი ვარ. თავის საქმეზე შეყვარებული იყო და შეეწირა ამ საქმეს.“ – აცხადებს კახიძე

შეგახსენებთ, რომ ერთი წლის წინ, 5 ივლისს „თბილისი პრაიდის“ მიმართ აგრესიულად განწყობილმა ჰომოფობიურმა ჯგუფებმა 55 ადამიანზე იძალადეს. მათ შორის იყო 53 მედიის წარმომადგენელი. თავდასხმის ერთ-ერთი წევრი „ტვ პირველის“ ოპერატორი ლექსო ლაშქარავა 11 ივლისს საკუთარ სახლში გარდაიცვალა.