მოქალაქე ანა გარაყანიძე სოციალურ ქსელში პოსტს წერს და ფოტოებს აქვეყნებს:
“თბილისში, ვერაზე, იტალიური ეზოს თავზე არის ეს კლდე, რომელიც დანგრევის პირასაა. განსაკუთრებით წვიმისა და ქარის დროს იშლება, ცვივა ქვები და აგურები, იყრება უხვი ნაგავი ფოთლისა და ნაყოფის სახით რაც იჭედება სანიაღვრეებში და შემდეგ წყალი სახლებში ჩამოგვდის. არის საშიშროება რომ ჩამოვარდნილი ქვები დაეცეს ეზოში გამვლელს. მივმართეთ შესაბამის ორგანოებს არაერთხელ, წლების განმავლობაში, თუმცა შედეგი არ გვაქვს.
მერამდენედ უნდა აძვრეს მამაჩემი და წმინდოს იქაურობა ან მერამდენედ უნდა სცადოს თავისით ამის შეკეთება ? იქამდე სანამ არ გადმოვარდება და რამეს არ დაიმართავს?
წლების წინ უკვე იყო იგივე ვითარება და ჩამოინგრა კედელი, ეზოდან გაიტანეს ორი სატვირთო მანქანით აგურები და მიწა, სასწაულმა გადაარჩინა ეზოში ბავშვები. უკვე აღარ ვიცი ვის მივმართო, 3-5 წლის ბავშვები გვყავს ეზოში, სანამ ვინმეს თავს არ გაუხეთქავს იქიდან გადმოვარდნილი აგური იქამდე არავინ მიიღებს ზომებს?!
კლდის თავზე სახლიც დგას, თუმცა მის მეპატრონეს ოდნავადაც არ ადარდებს ის საშიშროება რაც ემუქრება კლდის ჩამოშლის შემთხვევაში.
ასევე, ხის ქვეშ გადის გაზის მილი, აუხსნელადაც ყველა მიხვდება რამდენად საშიშია” – წერს ანა გარაყანიძე.