საბერძნეთში, ქალაქ თესალონიკში, ტყის ძლიერ ხანძარს ებრძვიან. სახანძრო სამსახურის ცნობით, სტიქიის გამო სამი დასახლებული პუნქტიდან მოსახლეობის ევაკუაცია გახდა საჭირო. ხანძრის შედეგად დაზიანებულია რამდენიმე ქარხანა, თუმცა საცხოვრებელი სახლები გადარჩა. დაშავებულების ან დაღუპულთა შესახებ ინფორმაცია ამ დროისთვის უცნობია.
როგორც უწყებაში აცხადებენ, ცეცხლი გუშინ ადგილობრივი დროით 20 საათზე გაჩნდა. სამართალდამცავების ცნობით, დაკავებულია 76 წლის მამაკაცი, რომელიც ხანძრის გაჩენაშია ეჭვმიტანილი. არსებული ინფორმაციით, ის დაკავებისას არაფხიზელ მდგომარეობაში იმყოფებოდა.