უკრაინის პრეზიდენტის, ვოლოდიმირ ზელენსკის განცხადებით, აშშ-ის პრეზიდენტ დონალდ ტრამპთან გამართული სატელეფონო საუბრისას მხარეებმა ფრონტზე არსებული ვითარება, დიპლომატიური ძალისხმევა და ომის დასრულების პერსპექტივა განიხილეს. ზელენსკის თქმით, ისინი შეთანხმდნენ, რომ პირადად შეხვდებიან ნატოს სამიტის ფარგლებში.
“მივულოცე პრეზიდენტ ტრამპსა და ყველა ამერიკელს დამოუკიდებლობის დღე. ძალიან კარგი სატელეფონო საუბარი გვქონდა.
ჩვენ მადლობელი ვართ შეერთებული შტატების ყოველი გაწეული დახმარებისთვის, „ჯაველინებიდან“ და „პატრიოტებიდან“ დაწყებული, პოლიტიკური მხარდაჭერით დამთავრებული, და უაღრესად ვაფასებთ იმას, რომ ამერიკა მხარს გვიჭერს ჩვენი დამოუკიდებლობის დაცვაში. მადლობას ვუხდი ყველა იმ ამერიკელს, რომელიც გულგრილი არ არის უკრაინის, ევროპისა და მსოფლიოს ყველა იმ ადამიანის მომავლის მიმართ, ვისთვისაც თავისუფლებას ფასი აქვს.
რა თქმა უნდა, პრეზიდენტ ტრამპთან ერთად განვიხილეთ მიმდინარე სიტუაცია ფრონტსა და დიპლომატიაში. არსებობს ამ ომის დასრულების რეალური პერსპექტივა და ამერიკის გადამწყვეტობას გადამწყვეტი მნიშვნელობა ექნება. შევთანხმდით, რომ საუბარს პირადად გავაგრძელებთ ანკარაში, ნატოს სამიტის დროს.
გმადლობთ, ამერიკა! გმადლობთ, ბატონო პრეზიდენტო! გილოცავთ დამოუკიდებლობის დღეს! ამერიკას კეთილდღეობასა და წარმატებებს ვუსურვებ” – წერს უკრაინის პრეზიდენტი, ვოლოდიმირ ზელენსკი სოციალურ ქსელში