აქ რომ საკუთარ თავს ოპოზიციას ეძახიან, ისე არ ფიქრობენ ის ადამიანები, რომლებიც საშინაო და საგარეო პოლიტიკას გეგმავენ აშშ-ში. იქ უფრო ცოტა სერიოზული ხალხია, ვიდრე ესენი,” ჩვენ ირანელ ხალხთან ჩავდივართ – მეზობლებთან სამძიმარზე ჩავდიოდით, ახლაც ჩავალთ, ღმერთმა ყველას ცუდი აშოროს და თუ საჭირო იქნება, მომავალშიც არ დავიხევთ უკან, – ამის შესახებ „ქართული ოცნების” დეპუტატმა, თენგიზ შარმანაშვილმა ჟურნალისტებთან განაცხადა.
მისივე თქმით, ირანის უზენაესი ლიდერის, აიათოლა ალი ხამენეის დაკრძალვაზე საქართველოს პრეზიდენტის, მიხეილ ყაველაშვილის ჩასვლასთან დაკავშირებით, ამერიკელმა კონგრესმენმა, ჯო უილსონმა სამარცხვინო განცხადება გააკეთა.
„სამარცხვინო განცხადებაა. დაწერეთ ამერიკის განსაკუთრებული მტრების სია: სომხეთის პრეზიდენტი, აზერბაიჯანის ხელმძღვანელობა… ასე მიაყოლეთ და მერე შეგიძლიათ საქართველოც მიაწეროთ. სულელ ადამიანზე ნუღარ მელაპარაკებით. იქ ვინც ჩავა, ყველა თუ ამერიკის მტერია, განაცხადოს ამერიკამ, რომ რაც ჩამოგითვალეთ, ყველა აშშ-ს მტერია. ჯო უილსონს დავანებოთ თავი, არასერიოზული კაცია,” – განაცხადა შარმანაშვილმა.
უმრავლესობის დეპუტატი ამბობს, რომ მიხეილ ყაველაშვილის ირანში ვიზიტი აშშ-სთან ურთიერთობაში ვერანაირ უარყოფით გავლენას ვერ მოახდენს.
მისივე თქმით, „ქართული ოცნება” ნაბიჯებს დგამს და ამერიკასთან ურთიერთობის გადატვირთვა მოხდება.
„ვერ მოახდენს ვერანაირ უარყოფით გავლენას. ჩვენ მეზობლებთან სამძიმარზე ჩავდიოდით, ახლაც ჩავალთ, ღმერთმა ყველას ცუდი აშოროს და თუ საჭირო იქნება, მომავალშიც არ დავიხევთ უკან. ამის შესახებ აშშ-მ იცოდა და ის ნაბიჯები, როლებიც გადმოიდგა, მას შემდეგ გადმოიდგა, რაც საქართველოს პრემიერ-მინისტრი ნამყოფი იყო სამძიმარზე სხვა შემთხვევაში. აქ რომ საკუთარ თავს ოპოზიციას ეძახიან, ისე არ ფიქრობენ ის ადამიანები, რომლებიც საშინაო და საგარეო პოლიტიკას გეგმავენ აშშ-ში. იქ უფრო ცოტა სერიოზული ხალხია, ვიდრე ესენი,” – განაცხადა შარმანაშვილმა.
ცნობისთვის, საქართველოს პრეზიდენტის ადმინისტრაციის ინფორმაციით, მიხეილ ყაველაშვილი ირანში აიათოლა ალი ხამენეის დაკრძალვის ცერემონიალს დაესწრება.
ამერიკელმა კონგრესმენმა, ჯო უილსონმა კი სოციალურ ქსელში დაწერა, რომ “ქართული ოცნების“ ყალბი პრეზიდენტი მიხეილ ყაველაშვილი ცერემონიალზე დასწრებას გეგმავს, რათა ირანსა და „ქართულ ოცნებას“ შორის უკიდურესად ანტიამერიკული პაქტი კიდევ უფრო გააღრმაოს.