ნანუკა ჟორჟოლიანი რომელი დიდი მოაზროვნე მყავს, რომ ყოველ დილით მის უაზრო ნააზრევზე კომენტარი გავაკეთოთ?! – ის პოლიტიკაში საერთოდ არაფერს წარმოადგენს, როგორ შეიძლება, მისი გეგმები, ან მოსაზრებები სერიოზულად აღიქვა?! – ამის შესახებ „ქართული ოცნების“ დეპუტატმა, თენგიზ შარმანაშვილმა ჟურნალისტებთან განაცხადა.
რაც შეეხება „ოპოზიციურ ალიანსს“, შარმანაშვილი აღნიშნავს, რომ „მათ არასერიოზულ გადალაგება-გადმოლაგებას არანაირი მნიშვნელობა არ აქვს“.
მისივე თქმით, „იმდენად არასერიოზული ხალხია, ვერცერთ გეგმას ვერ განახორციელებენ“.
„ნაციონალურ მოძრაობაში“ აჭრილები არიან, რაზე საუბრობენ, წარმოდგენა არ აქვთ. რის გამოც ამბობენ, რომ ოპოზიციურ ალიანსში არ უნდა შესულიყვნენ, ეს კრიტერიუმები არც ახლა აკმაყოფილებს და მაინც ამბობენ, რომ ალიანსიდან არ უნდა გამოვიდეთო. მოკლედ, მათ არასერიოზულ გადალაგება-გადმოლაგებას არანაირი მნიშვნელობა არ აქვს. შიდა ბრძოლები აქვთ და გააგრძელონ ეს ბრძოლები. უამისოდაც განადგურებულები არიან და უფრო განადგურდებიან. იმდენად არათანმიმდევრულ პოლიტიკას ატარებენ წლების განმავლობაში, თან ისეთი მძიმე წარსული აქვთ, ამის ერთობლიობით ისინი ქართულ პოლიტიკაში ვერ გადარჩებიან.
რაც შეეხება ნანუკა ჟორჟოლიანის განცხადებას – ამ არასერიოზული პოლიტიკოსის კომენტირებას არ ვაპირებ. ნანუკა ჟორჟოლიანი რომელი დიდი მოაზროვნე მყავს, რომ ყოველ დილით მის უაზრო ნააზრევზე კომენტარი გავაკეთოთ?! პოლიტიკაში საერთოდ არაფერს წარმოადგენს. როგორ შეიძლება, სერიოზულად აღიქვა მისი ან გეგმები ან მოსაზრებები პოლიტიკის თაობაზე?!“ – განაცხადა შარმანაშვილმა.