ჩვენი გამარჯვება არის ძალიან ახლოს, – ამის შესახებ საქართველოს მესამე პრეძიდენტმა მიხეილ სააკაშვილმა სასამართლო პროცესზე განაცხადა.
სააკაშვილი დარწმუნებულია, რომ „ქართული ოცნების“ დამფუძნებელი “ცუდად დაამთავრებს“.
პოლიტიკოსების საქმეზე სიტყვით გამოსვლისას “ნაციონალური მოძრაობის“ დამფუძნებელმა თქვა, რომ “ივანიშვილის ტრიუკები აღარ გაუვა და მას 2 სკამზე ჯდომა არ გამოუვა.“
“ჩვენი გამარჯვება არის ძალიან ახლოს. ჩვენთან ასეთი თამაშები და ტრიუკები, დიდი ხანია აღარ გადის, არც უცხოეთი ჭამს ამას. ეს ორ სკამზე ჯდომა ივანიშვილს და ქიციც ვიცი და ქიცმაცურიც, ამერიკელებთან ეს თამაში აღარ გავა, როგორც კი ხედავენ ამერიკელები, რომ მათ ეთამაშებიან, ისინი ძალიან ცუდად პასუხობენ. ძალიან ცუდად დაამთავრებს ივანიშვილი ამერიკელების თვალში, ამაში აბსოლუტურად დარწმუნებული ვარ., იმიტომ რომ ამერიკა აქ არის იმისთვის, რომ რუსეთი აქ არ იყოს. არავინ აპირებს ამათთვის ენის მოჩლექას, არავინ აპირებს ცხვირზე ხელის მოჭერას და იმ სიმყრალის სუნს, რომელიც ამ ქართულ დიქტატორულ რეჟიმს ასდის, ამის მოთმენას მხოლოდ იმის გამო, რომ ვაიმე, კიდევ ზედმეტი უბედურება და პრობლემა არ გვინდა, პრობლემა უკვე არის, მათ გაცნობიერებული აქვთ პრობლემა და დასავლეთი აუცილებლად ბოლომდე გადაწყვეტს ამ პრობლემას, ჩვენთან ერთად, იმიტომ, რომ თუ ჩვენ არ ვიქნებით მობილიზებული, ორგანიზებული, მიმწოლები, მარტო დასავლეთი , რა თქმა უნდა, ვერაფერს გადაწყვეტს. ამიტომ, 20 ივნისს არის წლისთავი გავრილოვის ღამის, იმედია, ხალხი ამას აღნიშნავს, მნიშვნელოვანია, კიდევ ერთხელ დავანახოთ ჩვენ არასდროს მოვხრით თავს რუსეთის წინაშე, არასოდეს დავჯერდებით რუსულ ჩეჩმაში ცხოვრებას, როგორც ახლა გვაცხოვრებენ, და რაფრით ვართ ნაკლები, არც აზერბაიჯანელებზე, არც სომხებზე, არც რუმინელებზე, არც მოლდოველებზე, არც უნგრელებზე, რომელთაც რუსეთი ყველა მიმართულებით შეაკავეს. ჩვენ ამ ბრძოლას აუცილებლად მივიყვანთ ბოლომდე”, – განაცხადა სააკაშვილმა.
ვიდეო სასამართლო პროცესიდან ტელეგრამ არხზე ვრცელდება.