12 წლის ვუნდერკინდი კომპოზიტორი, ცოტნე ზედგინიძე ავრცელებს ინფორმაციას, რომ ის ბებიასთან ერთად საზღვარგარეთ გამგზავრებას შეძლებს.
„ძალიან დიდი მადლობა ყველას, ვინც მხარში ამომიდგა. სასამართლომ მომცა უფლება მე და ჩემი პედაგოგი – ბებია, გავმგზავრებულიყავით აუდის საზაფხულო კონცერტებზე და ვერბიეს ფესტივალზე. დღესვე უნდა დაიწყოს ჩემი ნაწარმოების რეპეტიციები ორკესტრთან ერთად! ეს დიდი საჩუქარია ჩემთვის. ყველას დიდი მადლობა ამისთვის, დიდი პატივისცემით, ცოტნე.“ – წერს მოზარდი.
ცნობისთვის, მას შემდეგ, რაც ბიჭს დედა გარდაეცვალა, მისი გაზრდა ბებიამ და მამამ განაგრძეს, თუმცა, მოგვიანებით, მათ შორის კონფლიქტი წარმოიშვა.