სამოქალაქო აქტივისტის, მიშა ზაქარეიშვილი თქმით, პოლიციის განყოფილებაში მომხდარ სისასტიკეზე, რომლის კადრებიც “ნოდარ მელაძის შაბათმა” გამოაქვეყნა, მხოლოდ სამი პოლიციელი არ უნდა იყოს დაკავებული.
ზაქარეიშვილის თქმით, მინიმუმ პასუხისგებაში მისაცემია ის პირიც, ვინ სათვალთვალო კამერების უყურებდა.
ასევე სამოქალაქო აქტივისტს შსს-გან აინტერესებს, რა მუხლით არიან პოლციელები დაკავებულები, რადგან მისი თქმით, ის ქმედება, რაც ვიდეო-კადრებში ჩანს, ყველაზე კარგ შემთხვევაში ამ პოლიციელებისთვის ითვალისწინებს 9-დან 15 წლამდე პასუხისმგებლობას და შესაძლოა, ითვალისწინებდეს უვადო პასუხისმგებლობასაც.
ერთ-ერთი მთავარი კითხვა ჩემთვის არის რა – სამი ადამიანი არის პასუხისგებაში მიცემული, აქედან ორი კადრში ჩანს, რომელიც ურტყამს ამ ადამიანს, ერთი იღებს, მინიმუმ კიდევ ერთი ადამიანი უნდა იყოს პასუხისგებაში მიცემული – ადამიანი, რომელიც პასუხისმგებელი არის ვიდეო-მონიტორინგზე. პოლიციის განყოფილებაში არ არსებობს არცერთი კუთხე, არცერთი ადგილი, სადაც პოლიციას უფლება აქვს, რომ შევიდეს და მას არ იღებდეს კამერა. ერთადერთი იზოლატორში არის ადგილი, სადაც დაკავებული ადამიანი შეიძლება შევიდეს პოლციის გარეშე. პოლიციელი კი არასდროს არ უნდა იყოს ვიდეო-მონიტორინგის გარეშე. სად არის ის ადამიანი, რომელიც ამ დროის განმავლობაში პასუხისმგებელი იყო იმაზე, რომ სათვალთავლო კამერებისთვის ეყურებინა – ისიც, რა თქმა უნდა, უნდა იყოს პასუხისგებაში მიცემული.
ძალიან საინტერესოა, რა მუხლით არიან ეს ადამიანები პასუხისგებაში მიცემულები. იმიტომ, რომ ის ქმედება, რასაც ახლა ჩვენ ვუყურეთ ვიდეო-კადრებში, ყველაზე კარგ შემთხვევაში ამ პოლიციელებისთვის ითვალისწინებს 9-დან 15 წლამდე პასუხისმგებლობას და შესაძლოა, ითვალისწინებდეს უვადო პასუხისმგებლობასაც” – ამბობს მიშა ზაქარეიშვილი.
“ნოდარ მელაძის შაბათმა” პოლიციაში წამებისა და არაადამიანური მოპყრობის კადრები გაავრცელა – (ეს მხოლოდ ანონისია, ვრცლად ყველაფერს დღეს 20:00 საათზე ტვ პირველზე იხილავთ)
გამომძიებელი ჟურნალისტების ინფორმაციით, წამების კადრებს პოლიციელები იღებდნენ და საერთო ჩათში აგზავნიდნენ, ხოლო პირი რომელმაც ეს ჩატი გატეხა და ფაილები გადმოწერა, დააკავეს.
შინაგან საქმეთა სამინისტრომ “შაბათის ეთერის” ანონსის შემდეგ დაადასტურა, ტვ პირველის შაბათის ეთერში გასული, მოქალაქეების წამების ამსახველი კადრების ნამდვილობა. უწყების მტკიცებით, საქმე ეხება 2022 წლის ზაფხულში, აჭარის რეგიონში, ქობულეთში, მივლინებით მყოფი, იმერეთის პოლიციის დეპარტამენტის სამ თანამშრომელს, რომლებმაც ჩაიდინეს კადრებში ასახული დანაშაული.
შს სამინისტროს განცხადებიდან ირკვევა, რომ დანაშაული, რომელიც პოლიციელებმა ჩაიდინეს თითქმის 4 წლის განმავლობაში გამოუძიებელი იყო. კადრების ფიგურანტები, კი 2026 წლის 23 თებერვალს დააკავეს.