ირაკლი კობახიძემ საგანგებო ბრიფინგი ბიძინა ივანიშვილის ქებას მიუძღვნა და ჟურნალისტის კითხვის საპასუხოდ განაცხადა, რომ ბრიფინგი თავისი ინიციატივით ჩაატარა.
“ეს ბრიფინგი ჩემი ინიციატივით იყო ჩატარებული. ბატონი ბიძინა ივანიშვილი მოისმენს ბრიფინგს, რომელიც ჩავატარე. მე ჩავთვალე თავი ვალდებულად საზოგადოების წინაშე, რომ განმემარტა მმართველობის ის მოდელი, რომელიც დღეს მოქმედებს ქვეყანაში. საზოგადოებას განემარტება მკაფიოდ ის, რომ საქართველოში პროცესები იმართება კონსტიტუციური წესრიგის შესაბამისად – ასევე საზოგადოებას განვუმარტე ბატონი ბიძინა ივანიშვილის როლი, რომელიც არის მმართველი პარტიის საპატიო თავმჯდომარე და მმართველი პარტიის პოლიტიკური საბჭოს წევრი, რომლის რჩევებსაც აქვს მთელი გუნდისთვის განსაკუთრებული მნიშვნელობა. მან წლებით აჩვენა გუნდსაც და ქვეყანასაც, რომ მის რჩევებს აქვს განსაკუთრებული ფასი” – თქვა ირაკლი კობახიძემ.