“სწორედ ამ ამბის დამსახურებაა ირაკლი კობახიძის დღევანდელი განცხადება, რომ წამლის შეძენაზე მუშაობა დაიწყო“ – ასე ეხმაურება ირაკლი კობახიძის განცხადებას ტელეწამყვანი ნანუკა ჟორჟოლიანი.
„დაიცავი ილიაუნის” ბავშვებმა უპრეცედენტო ქველმოქმედებით ( 2 მილიონი შეაგროვეს) ჩაატარეს რეფერენდუმი. ქართული ოცნების ხელისუფლებას დაანახეს რას ითხოვდა მათგან ხალხი. მაათ შორის საკუთარი ამომრჩეველი.
2 მილიონი ვერ შეგროვდებოდა მხოლოდ ოპოზიციურად განწყობილი მოქალაქეებით.
სწორედ ამ ამბის დამსახურებაა ირაკლი კობახიძის დღევანდელი განცხადება, რომ წამლის შეძენაზე მუშაობა დაიწყო.
ეს ძალა აქვს ერთობას და სოლიდარობას. ამ დრომდე, კონკრეტული ფაქტები მხოლოდ იმაში გავრწმუნებს რომ თუ გამარჯვება გვინდა, ეს ორია ჩვენი იარაღი“ – წერს ნანუკა ჟორჟოლიანი.
კობახიძემ დღეს დიუშენის სინდრომის მქონე ბავშვების მშობლებთან შეხვედრის დასრულების შემდეგ თქვა: “შევთანხმდით, რომ შეიქმნება სამუშაო ჯგუფი ჯანდაცვის სამინისტროს წარმომადგენლებისა და მშობლების მონაწილეობით, რომელიც აქტიურად იმუშავებს ბავშვებისთვის კონკრეტული მედიკამენტების უზრუნველყოფის საკითხზე”. მისივე თქმით, “კონკრეტული მედიკამენტების შესყიდვის შესახებ საბოლოო გადაწყვეტილება მიიღება სხვადასხვა ფაქტორის, მათ შორის ფარმაცევტული კომპანიების მიერ შემოთავაზებული პირობების გათვალისწინებით”