“კაპიტანი ამერიკის” როლის შემსრულებელი მსახიობი კრის ევანსი საბოლოოდ დაემშვიდობა თავის ძველ iPhone-ს და სოციალურ ქსელში ამასთან დაკავშირებით პოსტიც განათავსა. ჰოლივუდის მსახიობის პოსტმა საზოგადოებაში დადებითი ემოციები გამოიწვია. ევანსმა ფანების პატივისცემა იმით დაიმსახურა, რომ დიდი შემოსავლის მიუხედავად მან ტელეფონი 7 წლის შემდეგ გამოცვალა.
კრის ევანსი, რომელსაც შეეძლო ყოველწლიურად გადასულიყო iPhone-ის უახლეს ვერსიაზე, დარჩა იმ მობილურის ერთგული, რომელიც Apple-მა 2015 წელს გამოუშვა. მობილურთან დამშვიდობების ტექსტში მსახიობმა აღნიშნა, რომ მასთან ერთად ნამდვილად შესანიშნავი დრო აქვს გატარებული.
“ნამდვილად კარგი დრო გავატარეთ. მომენატრება შენი ღილაკი, მაგრამ არასოდეს მომენატრება ის პროცესი როდესაც შენს დატენვას ვცდილობდი, არ მომენატრება ჩვენი უხარისხო ფოტოები და ის ფაქტი, რომ 100%-დან უეცრად 15%-ზე ჩამოდიოდი. გიჟური დრო გავატარეთ ერთად. მშვიდად განისვენე მეგობარო.“ – წერს კრის ევანსი ტვიტერზე