„ქართულმა ოცნებამ“ BBC-ის წინააღმდეგ საჩივარი მესამედ გადააგზავნა. შალვა პაპუაშვილის განცხადებით, “ქართული ოცნების” გუნდი „სკრუპულოზურად მიჰყვება საკითხს“ და ბრიტანული მაუწყებლისგან პასუხს ელოდება.
“მესამედ გადავაგზავნეთ, ჩვენ ძალიან სკულპუოზურად მივყვებით ამ საკითხს და რა თქმა უნდა, შევაბრუნეთ კვლავ საჩივარი. დიდი შრომა მიდის ამ საკითხზე იმისთვის, რომ ჩვენი საჩივრები იყოს სათანადო ხარისხის და დასაბუთებული, რაც არის კიდეც და მინდა, რომ აქედანვე დაგარწმუნოთ. ველით, ჯერ პასუხი არ მიგვიღია, ვნახოთ” – თქვა პაპუაშილმა.
მოქალაქეების ქიმიური ნივთიერებით სავარაუდო მოწამვლის ფაქტზე მომზადებული საგამოძიებო რეპორტაჟის გამო, ივანიშვილის გუნდი უკვე თვეებია ბრიტანული მედიისგან ბოდიშის მოხდას ითხოვს, მაგრამ ბოდიში არ არის.
„ქართულმა ოცნებამ“ ბრიტანეთის სამაუწყებლო კორპორაციას, BBC-ს საჩივრით ჯერ კიდევ 1 დეკემბერს გამოქვეყნებული ჟურნალისტური გამოძიების გამო მიმართა.
გამოძიების თანახმად, 2024 წლის აქციების დაშლისას პოლიციამ გამოიყენა სახიფათო ქიმიური აგენტი ბრომბენზოლ ციანიდი, იგივე კამიტი.