„დელისზე ვნახე, რომ ერთი კაცი გამვლელ ბავშვებს ეხებოდა…მაგის გამო პოლიციაში წამიყვანეს, მაგრამ ვუთხარი, ბავშვები ისე მიყვარს, მაინც გავაგრძელებ მაგის გაკეთებასო და გამომიშვეს…“ — რას ჰყვება მაკუნა ორაგველიძე.
“მაინტერესებს რა სჭირს ამ ქვეყანაში პოლიციას – მე როგორც ორი შვილის მშობელს, მაინტერესებს რატომ არ არის ამ ქვეყანაში დაცული ჩვენი შვილების უსაფრთხოება. დელისის მიმდებარე ტერიტორიაზე ელენე იყო ცეკვაზე და მე ველოდები ქვემოთ ვიღაცა უცხო კაცი მოვიდა ჩემს მანქანასთან, გამომელაპარაკა – ბავშვს ელოდებიო? კი-მეთქი და წავიდა იქით, დადგა წინ. დავიწყე ამ კაცის დაკვირვება და ვხედავ, რომ გამვლელი ბავშვები, ვინც გადიან და გამოდიან – ეხება თავზე, სახეზე, ტანზე… ეს ბავშვები ზოგი იცილებს – ზოგი გაოგნებული უყურებს – ვერ ხვდება რა ხდება.
მაშინვე დავუსიგნალე და ჩემს სიგნალზე გამოიხედა. მოვიდა მანქანასთან – მე დამისიგნალეო? კი-მეთქი, გიყურებთ და უცხო ბავშვებს ეხებით და ვკითხე – რა უფლებით ეხებით? ჩემი შვილი რომ ჩამოვიდეს და შენ ესე შეეხო, მაგის უფლება შენ არ გაქვს-თქო. მეო ისე მიყვარს ბავშვებიო, რომ ზუსტად მაგის გამოო პოლიციაში წამიყვანესო და ახსნა-განმარტება დამაწერინესო, რომ მეორედ ეგრე არ მოიქცეო, მაგრამ მე იქვე ვუთხარიო მე ისე მიყვარს ბავშვები მაინც გავაგრძელებ მაგის გაკეთებასო და გამომიშვესო.
ზუსტად მაგ დროს ჩავრთე კამერა და ეგ პატარა ფრაგმენტი მაქვს ჩაწერილი. მაინტერესებს პოლიცია რას აკეთებს და მე როგორც მშობელმა როგორ უნდა მოვიქცე? თან ამ ყველაფერს ძალიან კმაყოფილი იძახის… მოვითხოვ, რომ ეს ადამიანი შესაბამის განყოფილებას გადაეცეს… მოგვეცით საშუალება, რომ ვიცხოვროთ მშვიდ ქვეყანაში” – ამბობს მაკუნა ორაგველიძე ტიკ-ტოკზე გავრცელებულ განცხადებაში.