საქართველოს პროკურატურასთან აქტივისტებმა და მოქალაქეებმა საპროტესტო აქცია გამართეს. შეკრებილებმა კიდევ ერთხელ გააპროტესტეს პოლიციის მხრიდან ძალის გადამეტების შემთხვევები და სამართალდამცავების ქმედებების ეფექტიანი გამოძიება მოითხოვეს.
აქციის მონაწილეები გორში მომხდარ ძალადობის ფაქტსაც გამოეხმაურნენ და განაცხადეს, რომ პასუხისმგებელი პოლიციელები კანონის სრული სიმკაცრით უნდა დაისაჯონ. მათი თქმით, ძალადობის თითოეულ შემთხვევაზე სახელმწიფომ დროული და მკაფიო რეაგირება უნდა უზრუნველყოს.
“ე.წ. პოლიცილია უსწორდებოდა 11 ადამიანს და არის დაკავებული მხოლოდ 6. სად არის დანარჩენი მინიმუმ 5? ვინ აფარებს ხელს ამ ე.წ. გავლენიან პოლიციელებს. ტელეფონით უღებდნენ, ხომ, ამ წამების კადრებს თვითინ იგივე პოლიციელები. ეს არის სრულიად აღმაშფოთებელი. როგორ შეიძლება, რომ ასობით ადამიანია ნაცემი და დაკავებულია ვითომ სპეცრაზმელი, რომელთა სახელსა და გვარს ვერასდროს გავიგებთ. ამიტომ ჩვენ დღეს შევიკრიბეთ პროკურატურასთან, მოვითხოვთ დაუყოვნებლივ გამოძიებას ამ სისტემური დანაშაულების” – ამბობს პროტესტის მონაწილე.