გიგა ავალიანის მკვლელობის საქმეზე დაკავებულ დემეტრე ჩიქოვანს 9 წლითა და 6 თვით პატიმრობა შეეფარდა, ანი ნასყიდაშვილს კი 5 წლითა და 3 თვით პატიმრობა შეეფარდა.
თავდაპირველად ჩიქოვანს 13 წლით პატიმრობა შეეფარდა, ნასყიდაშვილს კი 9 წლით, თუმცა არასრულწლოვნობის გამო, სასჯელი 1/4-ით შეუმცირდათ.
ნასყიდაშვილი და ჩიქოვანი დამნაშავედ 27 მაისს სცნეს.
8 აპრილს მოკლული მასწავლებლის, გიგა ავალიანის საქმეზე ალექსანდრე გაბაშვილსა და გიორგი რიკაძეს 14-14 წლით, დემეტრე ჩიქოვანს კი 9 წლით თავისუფლების აღკვეთა მიესაჯათ. არასრულწლოვანთა მართლმსაჯულების კოდექსის თანახმად, მსჯავრდებულებს სასჯელი 1/4-ით შეუმცირდათ, შესაბამისად, გაბაშვილი და რიკაძე პენიტენციურ დაწესებულებაში 10 წელსა 6 თვეს მოიხდიან, დემეტრე ჩიქოვანი კი 6 წელსა და 9 თვეს.
ახალგაზრდა მასწავლებელი, გიგა ავალიანი, რომელსაც 1 ოქტომბერს სახლთან ჩაუსაფრდნენ და სცემეს, 25 ოქტომბერს კლინიკაში გარდაიცვალა. 26 წლის მასწავლებელს თავის არეში უმძიმესი დაზიანებები მიაყენეს, მას ორი ოპერაცია ჩაუტარდა, თუმცა ექიმებმა მისი გადარჩენა ვერ შეძლეს. ავალიანის დედა სამართლიანობის აღდგენასა და დამნაშავეების დაკავებას ითხოვს