ელენე ხოშტარია ციხიდან წერილს ავრცელებს

ელენე ხოშტარია ციხიდან წერილს ავრცელებს:

“მართალია, Facebook ლანძღვისთვის ან ჩხუბისთვის უფრო ხელსაყრელი სივრცეა, მაგრამ მე მინდა ჩემს გვერდზე პოზიტიური შთაბეჭდილებები გავაზიარო.

დღეს ვირჩევ 2 არაპარტნიორ პოლიტიკოსს: დიმიტრი ცქიტიშვილს და ქეთევან ბაკარაძეს.

1. პირველი – დიმიტრი ცქიტიშვილი – ძალიან პრინციპული, თანმიმდევრული და განათლებული. ყველაზე ძალიან ვაფასებ, რომ არასდროს გამხდარა კონიუქტურის მძევალი და არის პრინციპისა და არა „ავტორიტეტების“ ერთგული.

2. მეორე – ქეთევან ბაკარაძე – მას ვიცნობ ჯერ კიდევ პარლამენტიდან, როდესაც მე ოპოზიციაში ვიყავი, ის კი აფხაზეთის ჯანდაცვის მინისტრი. კომიტეტის ძალიან მწვავე სხდომაზე, რომელზეც დევნილების საჭიროებებზე ვლაპარაკობდი და მათ ვაკრიტიკებდი, მოვიდა ჩემთან და თანამშრომლობა შემომთავაზა დევნილების დახმარებაში. მას შემდეგ არ ყოფილა შემთხვევა, არ გადაყოლოდა თან ნებისმიერ დევნილს, რომელსაც ეს ჭირდებოდა. დღეს კი გამორჩეულია დიუშენის სინდრომის მქონე ბავშვთა დაცვაში.” – წერს ხოშტარია.