უკრაინა თუ არ იქნება დაცული, შეტევები გაგრძელდება, – ამის შესახებ ვოლოდიმირ ზელენსკი აცხადებს.
უკრაინის პრეზიდენტმა აღნიშნა, რომ რუსეთი ბოლო მასშტაბური იერიშით „სრულიად ნათელ გზავნილს“ აგზავნის და უკრაინა ბალისტიკური და სხვა ტიპის რაკეტებისგან თუ არ იქნება დაცული, თავდასხმები გაგრძელდება.
ზელენსკის თქმით, პარტნიორებისგან „ეფექტურ პასუხს“ და უკრაინის გაძლიერებულ მხარდაჭერას ელოდება. უკრაინის პრეზიდენტმა აღნიშნა, რომ პასუხი უნდა მოიცავდეს როგორც ევროპის მხრიდან საკუთარი თავდაცვის სისტემების განვითარებას, ასევე დამატებითი საჰაერო თავდაცვის შეიარაღების მიწოდებას. მისი თქმით, განსაკუთრებით მნიშვნელოვანია აშშ-ის დახმარება „პეტრიოტის” რაკეტების მიწოდებაში, რომლებიც უკრაინის საჰაერო თავდაცვისთვის კრიტიკულად მნიშვნელოვანია.
„ჩვენ სასწრაფოდ გვჭირდება დახმარება შეერთებული შტატებისგან „პეტრიოტის” სისტემებისთვის რაკეტების მიწოდებაში,“ – განაცხადა ზელენსკიმ.
მისივე თქმით, აღნიშნულ საკითხთან დაკავშირებით დასავლელ პარტნიორებთან მუდმივად აქტიურ კომუნიკაციაშია.