კოალიცია ცვლილებისთვის ლიდერი ნიკა გვარამია სოციალურ ქსელში პოსტს აქვეყნებს:
“ვითომ არაბული კომპანია MIRA VERDE აშენებს თბილისში მილიარდიან პროექტს. სინამდვილეში კი ფულის გათეთრებაში მხილებული დუბაიში რეგისტრირებული რუსების დაფუძნებული კომპანიაა. ეს ფაქტი ფაქტად, და თანდართული ცინიზმი კიდევ ცალკე: სარეკლამო ბუკლეტში არაბულად შეფუთული რუსები ასე არეკლამებენ პროექტს: საქართველოში, ევროკავშირის წევრობის კანდიდატ ქვეყანაში, უვიზო მიმოსვლით და ა.შ.
ასე, ფსევდოევროპული საქართველო სჭირდებათ თავად რუსებსაც, ფული რომ აკეთონ და ცივილიზებულ სამყაროსთან მაკავშირებლად გამოიყენონ თბილისი, აბა მართლა ჭინჭრის ფხალზე კი არ ჩამოდიან აქ. მაგრამ თან რეალურად ძლიერ დასავლურ ქვეყანას, ნამდვილ ევროკავშირს და დემოკრატიას აქ არ დაუშვებენ, იმიტომ რომ იციან, ზუსტად მაშინ მართლა ჭინჭრის ფხალზე თუ ჩამოვლენ, ფულის გამთეთრებლები კი – ვერც ჭინჭრის ფხალზე.
ზუსტად ესაა ივანიშვილის ფორმულა და რაც დიდ ხანს გაქაჩავს ასე, მით ურჩევნია. ამიტომაც არ დაუშვებს საქართველოში ნამდვილ არჩევნებს, სასამართლოს და ანაკლიის პორტს და ამიტომ შეუწყობს ხელს ყოველგვარ ბუნდოვანებას, არათანმიმდევრულობას და პოლიტიკურ კორუფციას” – წერს ნიკა გვარამია.