საგაზაფხულო სესიის ბოლო კვირას – 23-27 ივნისის პლენარული სხდომების ფარგლებში ირაკლი კობახიძე პარლამენტში ყოველწლიური მოხსენებით გამოვა. კობახიძის პარლამენტში მისვლის კონკრეტული თარიღი მოგვიანებით გახდება ცნობილი.
პარლამენტის რეგლამენტის თანახმად, პრემიერ-მინისტრი ვალდებულია წელიწადში ერთხელ, საგაზაფხულო სესიის პლენარული სხდომების ბოლო თვეში პარლამენტს წარუდგინოს მოხსენება სამთავრობო პროგრამის შესრულების მიმდინარეობის შესახებ.
აღნიშნული მოხსენება წერილობითი ფორმით პარლამენტს 1-ელ ივნისამდე წარედგინება.