რუსული ავიაკომპანია Red Wings-ი 28 ივნისიდან ეკატერინბურგი – თბილისის მიმართულებით რეისებს ამატებს – “გაზრდილი მოთხოვნის” გამო, 28 ივნისიდან ეკატერინბურგსა და თბილისს შორის ფრენების რაოდენობა კვირაში ცხრამდე გაიზრდება.
ავიაკომპანიის პრესსამსახურის ინფორმაციით, საქართველოს დედაქალაქის მიმართულებით ახალი რეისები პარასკევობითა და კვირაობით შესრულდება.
“თბილისი რუსი ტურისტებისთვის ერთ-ერთ ყველაზე მოთხოვნად უცხოურ მიმართულებად რჩება. ქალაქის სტუმრებს იზიდავს მდიდარი ისტორიული მემკვიდრეობა, ეროვნული სამზარეულო, ფერადი არქიტექტურა და მოსახერხებელი სატრანსპორტო ხელმისაწვდომობა მთელ საქართველოში სამოგზაუროდ” – აცხადებს რუსული ავიაკომპანია.