ბათუმში მოკლული კაცი 45 წლის როლანდ დავითაძეა – ინფორმაციას „აჭარა თაიმსი“ ავრცელებს.
გამოცემა წერს, რომ 31 მაისს, შემთხვევა იმ დროს მოხდა, როდესაც როლანდ დავითაძე მეუღლესა და არასრულწლოვან შვილს ელოდებოდა. ოჯახის წევრები სილამაზის სალონში იმყოფებოდნენ.
ნათესავების თქმით, კაცი ტროტუარზე იდგა, რა დროსაც მას უცნობმა პირმა ცეცხლსასროლი იარაღიდან რამდენჯერმე ესროლა. მიღებული ჭრილობები კი სასიკვდილო აღმოჩნდა. იგი კლინიკაში გადაიყვანეს, თუმცა ექიმებმა მისი გადარჩენა ვერ შეძლეს.
ამ ეტაპზე მკვლელობის მოტივი უცნობია.