ისრაელის პრემიერ-მინისტრმა, ბენიამინ ნეთანიაჰუმ ისრაელის სამხედროების მიერ სამხრეთ ლიბანში ბოფორტის ციხესიმაგრის აღება „დრამატულ გარდატეხად“ შეაფასა.
„ბოფორტის აღება დრამატული ეტაპი და გარდატეხაა ჩვენს პოლიტიკაში. ახლა ჩემი დირექტივაა, გავაღრმაოთ და გავაფართოოთ ჩვენი კონტროლი იმ ტერიტორიებზე, რომლებიც „ჰეზბოლას“ კონტროლის ქვეშ იყო“, – აღნიშნავს ნეთანიაჰუ.
როგორც ისრაელის პრემიერ-მინისტრმა განაცხადა, ისინი ბოფორტში უფრო ერთიანი და ძლიერები დაბრუნდნენ, ვიდრე აქამდე.
„ჩვენ ვმოქმედებთ ყველა ფრონტზე – სირიაში, ღაზასა და ლიბანში. ჩვენი თემების დასაცავად საზღვრებს გარეთ უსაფრთხოების ზონები შევქმენით“, – განაცხადა ისრაელის პრემიერ-მინისტრმა.