პარტია „კანონი და სამართალის“ ლიდერი, თაკო ჩარკვიანი “ტვ პირველის” გადაცემას “პირველ ხაზს” ესტუმრა, სადაც აღნიშნა, რომ ხელისუფლება უნდა ააყირაონ და ყველა უნდა დაელოდოს 24 ივნისს და თუ საჭირო გახდება, ოპოზიცია მზადაა ქუჩაში გავიდეს.
„პირდაპირ ვამბობ, უნდა ავაყირაოთ, რა. რა თმა უნდა, მე პირდაპირ გეტყვით – ამაზე ოპოზიცია ვსაუბრობთ. არ გეგონოთ ეს არ არის ახალი, ჩვენ ამაზე ვლაპარაკობთ. უბრალოდ, არის სწორად გასავლელი ახლა, ძალიან ფრთხილად გასავლელია. ამიტომ არ დავასწრებ მოვლენებს. ძალიან დიდი სიფრთხილე გვმართებს. თქვენ, არ გეგონოთ, ვიღაცაა სათავეში, სათავეში პირდაპირ პუტინი ზის. აი, ასე მწვავედ ხომ არ მითქვამს, სათავეში არის პუტინი. ჩვენ უნდა მოვახერხოთ გონივრულად. თქვენ ხომ იცით, რომ მე ჩირად არ მიღირს პარლამენტში ყოფნა…მე, გეუბნებით, რომ არ გავაკეთოთ ისე, რომ ლეგიტიმაცია მასთან გარიგებულმა პარტიებმა შეუქმნან. ამის გაკეთება შეიძლება, რომ ისინიც აღმოჩნდნენ ისეთ მდგომარეობაში, რომ მოუწიოთ გამოსვლა, მაგრამ ამას სჭირდება სწორად გათვლა.
ახლა გადავიტანოთ ჩვენ 24, ნუ დავასწრებთ მოვლენებს იმიტომ, რომ არასწორი იქნება, დამიჯერეთ ახლა. ზედმეტი არასწორი მოძრაობა იქნება ივანიშვილის დაგორება ჩვენგან, აი, როგორ გითხრათ, დავუსვამთ როგორც იტყვიან დუ-შაშს და არ მინდა, რომ ასე გავაკეთოთ. საჭირო იქნება, მზად ვართ, რომ ყველანი გამოვიდეთ არ გეგონოთ, რომ არა, როცა იქნება საჭირო, ამას გავაკეთებთ ოპოზიცია. გვაცალეთ, გვაქვს სწორი რამ ჩაფიქრებული. არ ავყვე ახლა რაღაცას, სწორი გეგმით მივდივართ და უნდა მოვერიოთ. ოღონდ მორევა იცოდეთ, ძალა ერთობაშია, კონა უნდა იყოს შეკრული, ხალხნო.“ – განაცხადა ჩარკვიანმა