სუს-ის მიერ ჯაშუშობის ბრალდებით დაკავებული გულბაათ რცხილაძის საქმეს მისი მეგობარი, ლაშა გიორგი ლომიძე, პოლიტიკურად მოტივირებულს უწოდებს. მისი შეფასებით, ხელისუფლება მსგავსი საქმეებით რეალური პრობლემების გადაფარვასა და საკუთარი ინტერესების დაცვას ცდილობს, მაშინ როცა სახელმწიფო ინსტიტუტებში უცხო ქვეყნების გავლენის აგენტურა მოქმედებს. ინფორმაციას “ტვ პირველი” ავრცელებს.
“მთელი აგენტურა ამ შენობაშია ჩაბუდებული, უცხო ქვეყნებზე ვინც მუშაობს. მუშაობს რუსეთის სპეცსამსახურებზე, ყველაზე, ვისაც თავისი ინტერესი გააჩნია. ეს ხელისუფლება ცდილობს თავისი ქონების, ჩვენაგნ ამოღებული მატერიალური სარგებლის შენარჩუნებას. უშვებს ძალიან ფატალურ, სერიოზულ შეცდომებს. აგონიაშია ეს მთავრობა, აგონიაშია მთელი პოლიტიკური ინსტებლიშმენტი, რომელიც შეცდომას შეცდომაზე უშვებს. როგორ დამთავრდება? მე ვფიქრობ, ძალიან ცუდად დამთავრდება. ეს არის გადაფარვის, რომ მთლად რუსეთუმეები არ არიან და როსფილები არიან … აამეს პროდასავლელებს. მათი ინტერესი არის, რომ ფული არ წაართვან” – ამბობს ლაშა გიორგი ლომიძე.
ჯაშუშობის ბრალდების გულბაათ რცხილაძე სუს-მა გუშინ დააკავა. მას ბრალი უკვე წარედგინა. სუს-ი ამბობს, რომ დაკავებული ორი ქვეყნის სპეცსამსახურებს სისტემურად აწვდიდა მათ სადაზვერვო ხასიათის ინფორმაციას. რცხილაძეს 8-დან 12 წლამდე პატიმრობა ემუქრება.