რუსული მედიის ინფორმაციით, რუსეთმა გარი კასპაროვზე საერთაშორისო ძებნა გამოაცხადა.
რუსეთის იუსტიციის სამინისტრომ გარი კასპაროვი „უცხოური აგენტების“ სიაში 2022 წელს შეიყვანა, 2025 წლის დეკემბერში კი მოსკოვის სასამართლომ გარი კასპაროვს დაუსწრებლად პატიმრობა შეუფარდა.
კასპაროვს ბრალი წაუყენეს რუსეთის ფედერაციის სისხლის სამართლის კოდექსის 205.2 მუხლის მე-2 ნაწილის მიხედვით (ტერორიზმის საჯაროდ გამართლება საინფორმაციო-სატელეკომუნიკაციო ქსელების, მათ შორის ინტერნეტის გამოყენებით). მოგვიანებით მას კიდევ ერთი ბრალდება წაუყენეს რუსეთის ფედერაციის სისხლის სამართლის კოდექსის 330.1 მუხლის მე-2 ნაწილით (უცხოეთის აგენტის საქმიანობის წესის დარღვევა).