რუსი მილიარდერი მიხაილ სმირნოვი ავტოსაგზაო შემთხვევის შედეგად დაიღუპა – ინფორმაციას РБК ავრცელებს სანქტ-პეტერბურგისა და ლენინგრადის ოლქის შინაგან საქმეთა მთავარი სამმართველოს პრესსამსახურზე დაყრდნობით ავრცელებს. მათივე ცნობით, შემთხვევა დღეს, 13:30 საათზე, პრიოზერსკის რაიონში, საავტომობილო გზა „პესკი-სოსნოვო-პოდგორიეს“ 49-ე კილომეტრზე მოხდა. გამოცემის ინფორმაციით, საგამოძიებო მოქმედებები ამ დრომდე მიმდინარეობს.
“კაცმა, რომელიც მოტოციკლს მართავდა, საჭე ვერ დაიმორჩილა, საპირისპირო მოძრაობის ზოლზე გადავიდა და „ჰავალის“ (Haval) მარკის ავტომობილს შეეჯახა. შემთხვევის შედეგად მოტოციკლის მძღოლი სასწრაფო დახმარების მოსვლამდე გარდაიცვალა.” – წერს РБК.
მიხაილ სმირნოვი შპს „ბალტიის საწვავის კომპანიის“ (БТК) თანამფლობელი და დირექტორთა საბჭოს თავმჯდომარე იყო. 2024 წელს მან რუსეთის „მილიარდერთა რეიტინგში“, გამოცემა Деловой Петербург ანალიზით – 108-ე ადგილი დაიკავა 7,79 მილიარდი რუბლის ოდენობის ქონებით – მის ძირითად აქტივად დასახელებული იყო კომპანია Нева Ойл.