“ეს არის ბოლო იმედი ამ ბავშვების და ეს იმედი უნდა უყიდოს მას სახელმწიფომ” – ამის შესახებ მომღერალმა ირმა სოხაძემ “TV პირველის” ეთერში განაცხადა და დიუშენის კუნთოვანი დისტროფიის მქონე ბავშვებზე ისაუბრა.
მისი თქმით, სირცხვილია ფარმაცევტულ მაფიაზე საუბარი, ბაშვებს წამალი სასიცოცხლოდ სჭირდება და ეს “ფიქრის საგანი” არ არის.
ეს ბავშვები, რომლებიც არის ჩვენი მართლა ტკივილი და სირცხვილი ერთდროულად იმიტომ, რომ ქვეყანაში, რომელსაც აქვს 33, თუ 35, თუ რაც არის მილიარდი ბიუჯეტი, თუნდაც 50 მილიონი, როდესაც ეს არ არის ვიღაცის კაპრიზი, ეს არის წამალი, რომელიც რიგ ქვეყნებში უკვე აპრობირებულია, მოწონებულია, ეს არის ბოლო იმედი… 100 ბავშვის სიცოცხლე უნდა გადავარჩინოთ ყოველ მიზეზგარეშე, საქართველომ სულ რომ ყურებზე დავდგეთ. ეს არის იმედი ამ ბავშვების, ბოლო შანსი და იმედი და ეს იმედი უნდა უყიდოს მას სახელმწიფომ. […]
ეს სამი წელი როგორი გადამწყვეტი შეიძლება იყოს, ეს ის შანსია, როდესაც შეიძლება ამ სამ წელიწადში კიდევ სხვა წამალი გამოიგონონ…
როგორ შეიძლება ამ ბავშვებს გადაუწყვიტო, რომ ეს 50 მილიონი არ ღირს, ღირს 500 დოლარი. სირცხვილია, რომ ფარმაცევტულ მაფიაზე ლაპარაკობენ.
დღეს ეს წამალი ამ ბავშვებს სჭირდებათ სასიცოცხლოდ, ეს არ არის ვერსია და ფიქრის საგანი… ეს შანსი ამ ბავშვებს, მართლა რომ დავიხოცოთ ნახევარი საქართველო, უნდა მივცეთ, თუ ადამიანები ვართ და თუ შეგვრჩა რამე ადამიანური,” – განაცხადა ირმა სოხაძემ.