„დისნეის“ არაერთი ანიმაცია ფილმად იქცა, ახლა კი ჯერი „ჰერკულესზეც“ მიდგა. ცნობილია, რომ აფილმის შექმნაში Avengers-ის რეჟისორები, ძმები რუსოები მიიღებენ მონაწილეობას. ისინი ფილმის მთავარი პროდიუსერები იქნებიან.
ამ დრომდე უცნობი რჩება რომელი მსახიობები მიიღებენ მონაწილეობას აღნიშნულ ფილმში.
ჰერკულესი 1997 წელს გამოსული მუსიკალური ანიმაციაა, რომელიც ბერძნული მითოლოგიის მოტივებზე ღვთაებრივი გმირის — ჰერკულესის შესახებ მოგვითხრობს. ანიმაციის ძირითადი სიუჟეტური ხაზი სწორედ ამ გმირის ირგვლივ ვითარდება, რომელიც დედამიწაზე ადამიანებთან ერთად ცხოვრობს და მრავალი საშიში დაბრკოლების გადალახვა მოუწევს, რათა დაამტკიცოს, რომ ოლიმპოს მთაზე ღმერთებთან ერთად ცხოვრების ღირსია.
აქვე აღსანიშნავია, რომ $85-მილიონიანი ბიუჯეტით კინოგაქირავებაში ჰერკულესის შემოსავლებმა $252 მილიონი შეადგინა.