ჟურნალისტ ნანუკა ჟორჟოლიანთან ადვოკატი არ შეუშვეს, – ამის შესახებ მისმა შვილმა, მარიამ გეგუჩაძემ გადაცემა „რეაქციაში“ განაცხადა.
მისი თქმით, აქამდე ადვოკატს 24 საათი განმავლობაში შეეძლო პატიმრის მონხულება, თუმცა, დღეს გაირკვა, რომ წესი შეიცვალა და საღამოს 7 საათის შემდეგ შესვლას ვერ შეძლებდნენ.
“აქამდე, წინასწარი დაკავების იზოლატორში, რადგანაც ნებისმიერი პატიმარი შეიძლება შეასახლონ იქ, ადვოკატს შეეძლო შესვლა 24 საათის განმავლობაში, დღეს, როცა ნანუკასთან მივიდა ადვოკატი, უთხრეს, რომ რამდენიმე დღის წინ შეიცვალა ეს წესი და 7 საათის შემდეგ არ შეგიძლია შესვლაო, შესაბამისად, მასთან ადვოკატი არ ყოფილა. მოვახერხეთ და შევაგზავნეთ ყველაფერი, აქვს ტანსაცმელი, წიგნები და ა.შ. – განაცხადა მარიამ გეგუჩაძემ.
ჟურნალისტ, ნანუკა ჟორჟოლიანს გზის გადაკეტვის გამო, 3 დღიანი პატიმრობა შეეფარდა.