უფლებადამცველები აბორტების შესაძლო აკრძალვასთან დაკავშირებით პატრიარქის ინიციატივას აკრიტიკებენ. “პარტნიორობა ადამიანის უფლებებისთვის” დირექტორი თამარ გაბოძე ამბობს, რომ აბორტი ქალის უფლებაა და სწორედ მისი გადასაწყვეტია როდის და რამდენ შვილს გააჩენს.
ამასთან, უფლებადამცველი ხაზგასმით ამბობს, რომ თუ სახელმწიფოს და საპატრიარქოს დემოგრაფიული ვითარების გაუჯობესება სურს, მაშინ პირველ რიგში, ქვეყანაში ეკონომიკური და სოციალური სტაბილურობა უნდა უზრუნველყოს.
“თითქოს მივეჩვიეთ, რომ ყველა ცვლილება, რაც ხდება, ყველა ხდება ადამიანის უფლებების საწინააღმდეგოდ. ძალიან კონკრეტულად და ძალიან კრიტიკულად მნიშვნელოვანია, რომ ამასთან დაკავშრებით სახელმწიფოს ჰქონდეს მკაფიო პოზიცია, ამ ინიციატივასთან დაკავშრებით, რაც გააჟღერა საპატრიარქომ, იმიტომ, რომ აბორტი არის ქალის უფლება. მისი გადასაწყვეტია რამდენი შვილი ჰყავდეს, როდის გააჩინოს, რა ინტენსივობით და საერთოდ, გააჩინოს თუ არა შვილი. და თუ, მაგალითად, სახელმწიფოს ან საატრიარქოს სურს, რომ დემოგრაფიული ზრდა გვქონდეს ქვეყანაში, მაშინ შესაბამისი პირობები უნდა არსებობდეს და ბავშვები, რომლებიც გადარჩენისთვის იბრძვიან, მათ შორის, თავად ბავშვებს უწევთ გადარჩენისთვის ბრძოლა, სიცოცხლისთვის ბრძოლა, შეუძლებელია, რომ ასეთ დროს ვისაუბროთ დემოგრაფიული მონაცემების ზრდაზე” – ამბობს “პარტნიორობა ადამიანის უფლებებისთვის” დირექტორ თამარ გაბოძე.
ამავე აზრს იზიარებს კიდევ ერთი უფლებადამცველი თამთა მიქელაძე. მისი თქმით, შობადობის დრამატულად შემცირების მიზეზები მასობრივი ემიგრაცია და ეკონომიკური არასტაბილურობაა.
“შობადობის ზრდა ასევე ამ პერიოდს ემთხვევა, როცა აბორტებია მაღალი, ეს დაახლოებით 2008 წლიდან 2018 წლამდე პერიოდია და სწორედ 2018 წლის შემდეგ არის სობადობის ვარდნაც და 2025 წელს შობადოსბი დრამატული, ისტორიული მინიმუმის მონაცემი გვქონდა, რაც აჩვენებს იმას, რომ მთლიანობაში ამ პაერიოდში რეპროდუქციული აქტივობის კლება ჩანს, რაც უკვე სხვა ფაქტორებით უნდა აიხსნას, მათ შორის აქ ძალიან მნიშვნელოვანი ფაქტორია მიგრაცია და მათ შორის დეპროდუქციული ასაკის მქონე ადამიანების მაღალი მიგრაცია ქვეყნიდან, ეკონომიკური ფაქტორები, რაც არის სიღარიბე, სოციალური არასტაბილურობა, შემოსავლების არასტაბილურობა, რაც გავლენას ახდენს მთლიანად რეპროდუქციულ აქტივობაზე საზოგადოებაში” – ამბობს თამთა მიქელაძე.
17 მაისს ქადაგების დროს ახალმა პატრიარქმა თქვა, რომ თუ ოჯახში ტრიალებს ისეთი მძიმე ცოდვა, როგორიც აბორტია, “განწირულია ასეთი ოჯახი.” შიო მესამე მიიჩნევს, რომ აბორტები ქვეყანაში უნდა აიკრძალოს, რაც მისი თქმით, ქვეყანაში დემოგრაფიულ ვითარებას გააუმჯობესებს.