ოკუპირებულ აფხაზეთში ე.წ. მთავრობის აპარატის უფროსის მოადგილე კრისტიან ბჟანია დაჭრეს – ინფორმაციას ადგილობრივი Telegram-არხი АИАШАРА ავრცელებს.
შემთხვევა 14 მაისს ოჩამჩირის რაიონის სოფელ ტამიშში ღამით მოხდა. გავრცელებული ცნობებით, კრისტიან ბჟანია ყოფით ნიადაგზე მომხდარი კონფლიქტისას ცეცხლსასროლი იარაღიდან გასროლით დაჭრეს, ის გულრიფშის რაიონის საავადმყოფოში გადაიყვანეს, მის სიცოცხლეს საფრთხე არ ემუქრება. საქმეზე დაკავებულია ვლადისლავ ბჟანია. ე.წ. ჯანდაცვის სამინისტროს ცნობით, „დაზარალებულის სიცოცხლეს საფრთხე არ ემუქრება, მისი მდგომარეობა სტაბილურია და ის სპეციალიზებულ განყოფილებაში მკურნალობს“.