“კანონიერ ქურდ” ნოდარ შუკაკიძეს, რომელიც შსს-მ ლევან მარღიასთან ერთად ქურდული წესებით გარჩევის მონაწილედ დაასახელა, ბრალი არ წარუდგინეს- ინფორმაციას TV პირველი შუკაკიძის ადვოკატ აჩიკო ბერიანიძეზე დაყრდნობით ავრცელებს.
შინაგან საქმეთა სამინისტრომ და პროკურატურამ ერთსა და იმავე საქმეზე განსხვავებული ციფრები გამოაქვეყნეს. გუშინ, ცენტრალური კრიმინალური პოლიციის დეპარტამენტის დირექტორმა განაცხადა: „ქურდულ სამყაროსთან” კავშირში მყოფი 44 პირი დააკავეს. კიდევ 7 პირს კი ბრალი წარედგინა – ნაწილს პენიტენციურ დაწესებულებაში, ნაწილს კი დაუსწრებლად, მათ შორის ორი საზღვარგარეთ მყოფი ე.წ. კანონიერი ქურდია… დაკავებულები უკავშირდებოდნენ ქურდული სამყაროს წარმომადგენლებს, მათ შორის ე.წ. კანონიერ ქურდებს – ლევან მარღიას და ნოდარ შუკაკიძეს, რომლებიც პირადი სარგებლის მიღების მიზნით, ე.წ. ქურდული წესების შესაბამისად, მოქალაქეებს შორის არსებული ფინანსური და კრიმინალური სახის დავებზე იღებდნენ გადაწყვეტილებებს, რის შემდეგაც მხარეებს თანხის გადახდას აკისრებდნენ“. დღეს კი პროკურატურის მიერ გავრცელებულ ინფორმაციაში ვკითხულობთ, რომ ბრალი არა 51, არამედ 50 პირს წარედგინა