“აღმოვაჩინეთ, რომ თურმე აკრედიტაციასთან დაკავშირებით ევროპარლამენტში არის უფრო მკაცრი წესები, ვიდრე საქართველოს პარლამენტში…მე ვიფიქრებ შევიტანო თუ არა შესაბამისი ცვლილებები აკრედიტაციის წესში” – შალვა პაპუაშვილი.

შალვა პაპუაშვილი აცხადებს, რომ ევროპარლამენტში აკრედიტაციის წესები საქართველოს პარლამენტთან შედარებით უფრო მკაცრია და არ გამორიცხავს, მომავალში შესაბამის რეგულაციებში ცვლილებების შეტანის საკითხიც განიხილოს.

“აღმოვაჩინეთ, რომ თურმე აკრედიტაციასთან დაკავშირებით ევროპარლამენტში არის უფრო მკაცრი წესები, ვიდრე საქართველოს პარლამენტში. კერძოდ, საქართველოს პარლამენტში ერთ-ერთი წესი არის, რომ თუ რესპონდენტს არ სურს ინტერვიუს მიცემა, ჟურნალისტს შეუძლია დაიწყოს ინტერვიუ, მაგრამ რესპონდენტი თუ ეტყვის რომ შეწყვიტეს ინტერვიუ, უნდა შეწყვიტოს ინტერვიუ. რა აღმოჩნდა ევროპარლამენტში, წინასწარი თანხმობა არის საჭირო – საინტერესოა, ვიფიქრებთ ამაზე. მეორე – როცა ირღვევა საქართველოში წესი – რა გვაქვს ჩვენ, სანქცია – რომელიც არის 1-თვიანი და განმეორებით შემთხვევაში 6 თვით. რამდენი თვით შეუჩერეს იმედს? 1 წლით – კარგია და ამაზეც ვიფიქრებთ. ასე, რომ მე ვაპირებ რომ ვიფიქრო შევიტანო თუ არა შესაბამისი ცვლილებები აკრედიტაციის წესში. პირველი – წინასწარი თანხმობა მიიღონ მაშინ რესპონდენტებმა და მეორე – თუკი ევროპარლამენტში პირველივე დარღვევაზე 1-წლიანი შეჩერებაა, ამაზეც ვიფიქრებთ” – თქვა შალვა პაპუაშვილმა ჟურნალისტებთან საუბრისას.

13 მაისს TV იმედმა გაავრცელა ინფორმაცია, რომ ევროპარლამენტმა მათ საქმიანობა 1 წლით აუკრძალა. ასევე, მოლდოვის მთავრობამ TV იმედს, რუსთავი 2-სა და PosTV-ის ევროპის საბჭოს მინისტრთა კომიტეტის სესიის გასაშუქებლად აკრედიტაცია არ მისცა. სესიას ბოჭორიშვილიც დაესწრება.