სულ სხვანაირი სამხედრო აღლუმი მოსკოვში – ამ წუთებში, წითელ მოედანზე გამარჯვების დღისადმი მიძღვნილი ტრადიციული ღონისძიება მიმდინარეობს, მაგრამ არატრადიციული ფორმატით. 20 წლის შემდეგ პირველად, მოსკოვის ცენტრში არ ჩაატარებენ ტანკების და სარაკეტო სისტემების კოლონებს. იქნება მხოლოდ ქვეითი სამხედროების მსვლელობა, ავიაციის გადაფრენა და პუტინის სიტყვით გამოსვლა.
ვინ ჩავიდა მოსკოვში სტუმრად? – მედიაში გავრცელებული ინფორმაციით, ამ დღეს რუსეთის პრეზიდენტის გვერდით მხოლოდ რამდენიმე ლიდერი იდგება, მათ შორის იქნება ლუკაშენკო, ტოკაევი და მირზოევი.
მანამდე გავრცელებული ინფორმაციით, ვიზიტი გააუქმა რობერტ ფიცომ. მოსკოვში ახლა უსაფრთხოების განსაკუთრებული ზომები მოქმედებს, აეროპორტები დახურეს, შეფერხებით ფუნქციონირებს ინტერნეტი. შენობების სახურავებზე სნაიპერები ყავთ გამაგრებული. წინა დღეებში კრემლში აცხადებდნენ, რომ არსებობდა ტერორისტული საფრთხეები.