“მარტში საქართველოს ეკონომიკა გაიზარდა 10,7%-ით…ეკონომიკური ზრდა პირდაპირ აისახება საშუალო ხელფასის ზრდაზე და სიღარიბის შემცირებაზე” – ირაკლი კობახიძე

ირაკლი კობახიძე აცხადებს, რომ მარტში საქართველოს ეკონომიკა 10,7%-ით გაიზარდა:

“მარტში საქართველოს ეკონომიკა გაიზარდა 10,7%-ით. ჩვენ გვაქვს ორნიშნა მაჩვენებელი ეკონომიკის ზრდის. პირველი კვარტლის მონაცემებით, საშუალოდ ეკონომიკა გაიზარდა 9.1%-ით და ეს ყველაფერი უზრუნველყოფილია კრიზისის ფონზე, რომელიც არის შექმნილი რეგიონში. გვაქვს ურთულესი კრიზის ახლო აღმოსავლეთში, რაც აისახება ბუნებრივია ჩვენს ქვეყანაზეც, მათ შორის, ტურიზმის მიმართულებით. თუმცა ამ კრიზისის მიუხედავად და შესაბამისი გამოწვევების მიუხედავად, ჩვენ მოვახერხეთ და შევინარჩუნეთ ზრდის მაღალი ტემპი. ერთ-ერთი მიზეზი, ამას ხაზგასმით აღვნიშნავ, არის ის, რომ წარმატებით დავიწყეთ შარშან ბრძოლა კორუფციის წინააღმდეგ, რაც აისახა ეკონომიკური ზრდის ტენდენციებზე. როგორც მოგეხსენებათ, ეკონომიკური ზრდა პირდაპირ აისახება საშუალო ხელფასის ზრდაზე და სიღარიბის შემცირებაზე სახელმწიფო ბიუჯეტის ზრდაზე და შესაბამისი პრობლემების გაფართოებაზე, ჩვენი მთავარი ამოცანაა, შევინარჩუნოთ ეკონომიკური ზრდის მაღალი ტემპი” – ამბობს კობახიძე.