პარტია „ლელოს“ ლიდერები დიპლომატიური კორპუსის წარმომადგენლებს ხვდებიან. შეხვედრაზე განხილვის მთავარი თემა ქვეყანაში მიმდინარე პროცესები და ის შეფასებებია, რომელსაც „ქართული ოცნება“ ოპონენტებისა და საზოგადოების მიმართ ავრცელებს.
ოპოზიციის წარმომადგენლები დიპლომატებს ასევე აწვდიან ინფორმაციას იმ საკანონმდებლო ცვლილებებზე, რომლებსაც თავად „დრაკონულ კანონებად“ აფასებენ და რომლებიც ივანიშვილის გუნდმა დაამტკიცა.
შეხვედრაზე საუბარი შეეხება ქვეყნის ევროპულ პერსპექტივასაც და იმ შესაძლო ნაბიჯებს, რომლებიც დასავლეთმა მიმდინარე ვითარების ფონზე უნდა გადადგას.
“ვხვდებით საქართველოში აკრედიტირებულ დიპლომატიურ კორპუსს იმ მიზნით, რომ გავაცნოთ მათ ჩვენი, პირველ რიგში, პარტიული გეგმები, როგორ აპირებს პარტია პოლიტიკურ ბრძოლას, რა გეგმები გვაქვს უახლოეს მომავალში ჩვენი პარტიის გასაძლიერებლად. ვაპირებთ, რომ ვისაუბროთ იმ გამოწვევებზე, რომელიც დღეს დგას ჩვენს ქვეყანაში. რაც შეეხება როგორც პოლიტიკურ აქტორებს, ასევე არასამთავრობო ორგანიზაციებს და ზოგადად, პოლიტიკური შევიწროების და პოლიტიკური დევნის თემებზეც გვექნება, ცხადია, საუბარი და ასევე გვექნება საუბარი იმაზე, თუ როგორ გვესახება მომავალი. ჩვენთვის ძალიან მნიშვნელოვანია, რომ დავსახოთ გზები იმისთვის, რომ ჩენი ქვეყანა არ დარჩესსრულ იზოლაციაში დღევანდელი ხელისუფლების მიერ გატარებული პოლიტიკის შედეგად და გვსურს საუბარი იმაზე, როგორ გვესახება ქვეყანაში როგორც დემოკრატიული გადატვირთვა, ასევე საქართველოს ევროკავშირში გაწევრიაების დღის წესრიგის დაბრუნება ჩვენი ქვეყნის პოლიტიკურ ცხოვრებაში” – თქვა სალომე სამადაშვილმა შეხვედრაზე შესვლამდე.