კოალცია ცვლილებისთვის ლიდერი ნიკა გვარამია სოციალურ ქსელში პოსტს აქვეყნებს:
“სომხეთში ომი არ დაწყებულა, მიუხედავად იმისა, რომ:
1 თვის წინ ნიკოლ ფაშინიანი ჩასული იყო რუსეთში და პუტინთან პირდაპირ ეთერში ჰქონდა შეხვედრა. ისეთები უთხრა, მე არ მახსენდება ვინმეს ასე ელაპარაკოს პუტინთან საჯაროდ.
გუშინ სომხეთში ისინი შეიკრიბნენ, ვინც პუტინს პირად მტრებად მიაჩნია, უკრაინის განსაკუთრებული მხარდაჭერის გამო. ევროკავშირის ლიდერებთან ერთად, მთავარი სტუმარი ზელენსკია.
შეგახსენებთ, სომხეთში (გიუმრიში) რუსეთის უმსხვილესი სამხედრო ბაზაა შემადგენლობაში 5000მდე რუსი სამხედროს, S-300 საზენიტო-სარაკეტო სისტემები, MiG-29 გამანადგურებლები და ჯავშანტექნიკით.
როდემდე უნდა ვიყოთ ომის შიშის მძევლები?! ქოცების მიერ გაღვივებული წარმოსახვით გამოწვეული შიშის, თან რომ გვტანჯავს, თან რომ გვასულელებს, თან რეალობას გვწყვეტს, სანამ ამ რეალობას ქოცები ალპობენ?” – წერს ნიკა გვარამია.
ერევანში ევროპული პოლიტიკური გაერთიანების მე-8 სამიტი გაიხსნა. მიწვეულია 50-მდე ქვეყნისა და საერთაშორისო ორგანიზაციის ლიდერი. 4-5 მაისს ასევე იმართება სომხეთი-ევროკავშირის პირველი სამიტი, რომელშიც მონაწილეობენ ევროპული საბჭოს პრეზიდენტი ანტონიო კოშტა და ევროკომისიის პრეზიდენტი ურსულა ფონ დერ ლაიენი. პირველად სამიტის ისტორიაში, მიწვეულია არაევროპული ქვეყნის ლიდერი — კანადის პრემიერმინისტრი მარკ კარნიც, რომელიც ერევანში გუშინ ჩავიდა. სამიტის დევიზია „მომავლის შენება: ერთიანობა და მდგრადობა ევროპაში“.