საქართველოს მესამე პრეზიდენტი აცხადებს, რომ კავკასიის ისტორიაში დღეს ყველაზე მნიშვნელოვანი და ისტორიული დღეა და ის წუხილს გამოთქვამს იმის გამო, რომ საქართველო არ მასპინძლობს სწორედ ამ სამიტს.
როგორც მიხეილ სააკაშვილმა 7 ნოემბრის საქმეზე მიმდინარე სასამართლო პროცესზე განაცხადა, საქართველო გადაიქცა 2013 წლის სომხეთად, ხოლო სომხეთი 2012 წლამდელ საქართველოდ.
მისი თქმით, “დღეს რომ მისი კურსი გაგრძელებულიყო, ყველა ევროპელი ლიდერი თბილისში ჩამოვიდოდა და არ მოუწევდათ 40 წუთით მეტი ფრენა ერევნამდე.“
“დღეს არის მნიშვენლოვანი დღე კავკასიის ისტორიაში. მთელი ევროპის ლიდერები ჩამოვიდნენ კავკასიაში პირველად, მაგრამ იქ კი არა სადაც ტრადიციული ცენტრი იყო, თბილისში, არამედ ერევანში. ივანიშვილმა 2013 წელს გამოგვიცხადა, რომ მისთვის მისაბაძი იყო სომხეთის საგარეო პოლიტიკა. ახლა ჩვენ გადავიქეცით 2013 წლის სომხებად, სომხეთი კი 2012 წლამდელ საქართველოდ. ვინმეს ეჭვი ხომ არ გეპარებათ, დღეს რომ ჩემი კურსი ყოფილიყო გაგრძელებული, ყველა ევროპელი ლიდერი თბილისში ჩამოვიდოდა და არ მოუწევდათ 40 წუთით მეტი ფრენა ერევნამდე. ეს არის მნიშვნელოვანია, ამაზე, რომ ვლაპარაკობთ, რადგან ამას წინათ ერთმა პოლიტიკოსი თქვა, რომ წარსული ტრავმები აწუხებსო – წარსული ტრავმები აწუხებს სწორედ იმას, ვისაც წარსულზე საუბარი არ შეუძლია” – განაცხადა სააკაშვილმა.
სომხეთში ევროპული პოლიტიკური გაერთიანების (EPC) მე-8 სამიტი მიმდინარეობს. სომხეთში იმყოფებიან ევროპელი ლიდერები. ერევანშია ირაკლი კობახიძეც.